ווינדאוס 7: וואס וויסטע וואלט ווען געדארפט זיין.

קלאנגען קורסירן אז 'ווינדאוס סעווען' קומט ארויס נאך די יאר סוף זומער, אין ווייניגער ווי א חודש "דאס הייסט אינמיטן יאנואר" קומט שוין ארויס די אפישעל פרייוועט בעטא פון 'ווינדא'ס סעווען' (א פרייוועט בעטא הייסט אז נאר א קליינע צאל אויסדערוועלטע(?) יוזערס וועלן האבן צוטריט דערצו, מייקראסאפט פרובירט נאכצומאכן דעם קאמפעטישן און זיין מער באהאלטן מיט דעם ווערזשען ווי מיט די פריערדיגע ווערזשען'ס)

איר פרעגט אוודאי מיט וואס וועט עס זיין בעסער ווי וויסטע? (ווער זאגט ס'גייט בכלל זיין בעסער?) איז קודם לאמיר זעהן מיט וואס דארף עס נישט זיין בעסער ווי וויסטע? דעס איז קלאר אז די עיקר 'אינפרעאסטרוקטשור' פונעם אפערעטיג סיסטעם דארף נישט קיין גרויסע טויש ווייל דאס איז כידוע נישט די פראבלעם מיט וויסטע, די 'בעהיינד די סינס' אין וויסטע ארבייט טויזענט מאל בעסער ווי עקס פי(!!!) און וואס ס'איז נישט צובראכן דארף מען נישט פיקסן.

נאר וואס יא? לאמיר זעהן די עיקר פראבלעמען אין וויסטע.

די עיקר פראבלעם אין וויסטע איז געווען די 'יוזער אינטערפעיס', רוב פראגראמערס ווייסן זיכער צו מאכן אז זייער פראגראם זאל ארבייטן גוט און פוקטליך, אבער פארגעסן צו מאכן זייער פראגראם גרינג און באקוועם צו נוצן, און דער אמת איז אז פונקט אזוי ווי דער רבש"ע האט געמאכט ביי א פרי, אז אויסער דעם וואס זי איז טוֹב לְמַאֲכָל זאל עס אויך זיין וְכִי תַאֲוָה הוּא לָעֵינַיִם די זעלבע דארף זיין להבדיל א פראגראם, אויסער וואס זי איז גוט און פונקטליך, דארף זי זיין גרינג און באקוועם צו נוצן, ובלשוננו 'יוזער פרענדלי', אבער מייקראסאפט האט א אלטע נארישע געוואוינהייט ארויסצוקומען קודם מיט א אומגעצייטיגטע פרי, און ווען דער עולם שרייט געוואלד מאכן זיי א צווייטע פראבע מיט א צווייטען נאמען, און די צווייטע מאל האפענטליך געלונגט עס יא,

איז לאמיר זעהן:

ערשטענס: אין וויסטע איז דא א געוואלד מיט זאכן וואס באלעסטיגן און רודפ'ן דעם יוזער על לא דבר, למשל: אין וויסטע איז דא אזאך וואס הייסט 'יוזער אקאונט קאנטראל' וואס האלט אין איין ווארענען דעם יוזער ער זאל וויסן וואס פראגרעם'ס טוען אין די בעגראונד, וואס כאטש באמת איז דאס זייער א וויכטיגע זאך, ווייל ווינדאוס עקס פי איז געווען צו 'וואנערעבל' און האט געלאזט פראגרעמ'ס וואס זענען שוין אינסטאלד, זאלן אין די בעגראונד אליינס אינסטאלן אנדערע פראגרעמ'ס כאדם העוסק בתוך שלו, און מענטשן מיט שלעכטע מאטיוון האבן אויסגענוצט די געלעגענהייט שלעכט צו טאן, און מ'רעדט נישט דא פון קיין היכי תמצא'ס מ'רעדט פון פאקטן וואס איז מעשים בכל יום (נישט אייביג איז עס א וויירוס ממש אמאל איז עס סתם אן אינוועיזשאן אוו פרייוועסי).

נו אז מ'האט קער גענומען פונעם פראבלעם איז דאך גוט? ניין! די פראבלעם אין וויסטע איז געווען די 'אימפלעמענטעישאן' דאס מיינט די אופן ווי אזוי מייקראסאפט האט עס געמאכט למעשה, דער פאקט איז אז וויסטע האלט אין איין באגן און נודזשען ממש ווי א פליג, און אפילו ווען ס'איז ממש גארנישט קיין ריסק, האלט עס אין איין מוטשען אז מען ווערט נערוועז, מ'ווייסט שוין נישט ווען ס'איז אמת'ע סעקיורעטי אישו, און ווען סתם געוויסטעט א קאפ (און אויסלעשן דעי סעקויריטי אינגאנצן איז אוודאי נישט שייך).

א צווייטע פראבלעם אין וויסטע: אז וויסטע לאזט סיי וועלכע פראגרעם זאלזיך אריינלייגן אין סטארטאפ אז דער פראגראם לאודען אוטאמאטיש יעדע מאלווען די קאמפיוטער צינדט זיך אן (אן קיין גרינגע וועג דאס צו מענעדשען).

א דריטע און ענליכע פראבלעם: אז וויסטע לאזט סיי וועלכע פראגרעם זאל זיך לייגן אזאלכעאייקאנס אינעם סיסטעם טרעי וואס אויסער דעם וואס ס'מאכט א אומארדענונג אוןא צומישענש אין דעם סיסטעם טרעי נעמט עס אויך אויף אסאך ריסורסעס, אוןבכלל זענען דא אסאך פראגרעמ'ס וואס צינדן אן אזעלכע 'סיסטעם טרעי פראגרעםסאב'ס' וואס פעלט נישט אויס פארן עצם פראגרעם צו ראנען נאר זענען בעיקרגעמאכט סתם צו ליגן אין די אויגן, אמת א מומחה האט זיך ביז היינט אויךגעקענט א עצה געבן ווי נישט ווי, אבער סאיז נישט געווען גרינג ס'האטגעקאסט צייט און מח, און אז מ'האט נישט אכטונג געגעבן האט מען זיךגעטראפען מיט א שטאטע קאמפיואטער אין נאו טיים.

און אזוי איז אויך דא אסאך אנדערע ענליכע שוועריגקייטן וואס מאכן שווער דאס לעבן פאר א וויסטע יוזער מיט זיין אומפריינטליכע באנעמונג.

דא קומט 'ווינדאוס סעווען' אריין אין פיקטשער: מייקראסאפט פרובירט דאס צו מתקן זיין און פארשפרעכט אז 'ווינדאוס סעווען' וועט זיין פיל מער 'יוזער פרענדלי'

למשל: אנשטאט די וויסטע 'יוזער אקאונט קאנטראל' וועט עס זיין מער ווי א 'יוזער סענסעטיוועטי קאנטראל' עס וועס זיין פארשידענע לעוועל'ס פון סעקיורעטי מ'וועט קענען אליינס אויסקלויבן "וואס ווען ווי און וויפיל" סעקיורעטי מען וויל יא אדער נישט, ווען מ'וויל ווערן נאטיפייד פון אזא סעקיורעטי בריטש און ווען נישט.

ווי אויך: האט מייקראסאפט אריינגעלייגט זייער אגרינגע יוזער פרענדלי וועג צו קאנטראלען די 'סטארטאפ פראגרעם'ס' נאך גרינגער ווי אין עקס פי

ווי אויך: האט מייקראסאפט מוסיף געווען און אריינגעלייגט זייער אגרינגע וועג צו קאנטראלען די 'סיסטעם טרעי פראגרעםסאב'ס' וואס וועט זיין לויט אנאליסן 'לייק עי פיס אוו קעיק'

א צוגלייך צו די אפגרעיד פון ווינדאוס 2000 צו ווינדאוס עקס פי

ווינדאוס 2000 איז געווען 100 מאל בעסער ווי ווינדאוס 98 אבער ווער עס געדענקט האבן מענטשן זיך נישט געוואלט שיידן פון זייער באליבטער ווינדאוס 98 ווייל ווינדאוס 2000 איז געווען פיל מיט צומישעניש און שוועריקייטן, עד שבא הכתוב השלישי ווינדאוס עקס פי - וואס איז געווען סיי גוט און סיי יוזער פרענדלי, איך קען נאר האפן איין זאך אז היסטאריע חזר'ט זיך איבער!!!